27 сакавіка ў Горкаўскай сельскай бібліятэцы прайшоў літаратурны квэст “Любімыя кнігі многіх пакаленняў”. У гэты дзень юным гасцям літаратурнай гадзіны была прадстаўлена кніжная выстава “Добры свет любімых кніг”, дзе былі прапанаваны кнігі на любы чытацкі густ. У бібліятэцы было шмат вясёлага і пазнавальнага: сустрэча з любімымі літаратурнымі героямі, знаёмства з новымі перыядычнымі выданнямі, прайшоў конкурс знаўцаў кніжных герояў. Усе разам успомнілі прымаўкі і прыказкі пра кнігу. У завяршэнні мерапрыемства дзеці паслухалі верш Валянціны Лукша “Як Ліса вучылася лётаць”.

У сакавіку сапраўднаму мастаку слова, аднаму з самых любімых у дзяцей беларускіх аўтараў Паўлу Місько споўнілася б 95 гадоў з дня нараджэння. Да юбілею П. Місько ў Церабуцкай сельскай бібліятэцы-клубе ў рамках гуртка “Ветразь” прайшоў літаратурны дзіліжанс “Прыйдзі, дзень залацень”. Пачалося мерапрыемства са знаёмства з творчасцю пісьменніка, якая прадстаўлена рознымі літаратурнымі жанрамі: казамі, апавяданнямі, аповесці, нарысамі, вершамі, п’есамі. Яго кнігі вучаць спагадзе, сяброўству, справядлівасці, узаемадапамозе, дапамагаюць пазнаць свет дабрыні і прыгажосці. Удзельнікі мерапрыемства падрабязна пазнаёміліся з дзіцячымі творамі: «Эрпіды на планеце Зямля», «Прыгоды Бульбобаў», «Грот афаліны», «Прыйдзі, дзень-залацень!», «Акрабат у бутэльцы», «Навасёлы». Гэтыя кнігі былі рэкамендаваны да чытання.

13 сакавіка бібліятэкар Горкаўскай сельскай бібліятэкі для вучняў ДАУ “Горкаўская сярэдняя школа Старадарожскага раёна” правяла прававую гутарку “Асноўны закон нашай дзяржавы”, прымеркаваную да Дня Канстытуцыі Рэспублікі Беларусь. У ходзе мерапрыемства дзеці пазнаёміліся з цікавымі фактамі з гісторыі Канстытуцыі Рэспублікі Беларусь, з часткамі прававога дакумента і з асноўнымі правамі і абавязкамі грамадзян. Гадзіна інфармацыі дазволіла пашырыць веды вучняў аб канстытуцыйных асновах нашай дзяржавы, садзейнічала выхаванню пачуцця гонару за сваю Радзіму, заклікала паважаць законы нашай краіны. Дзеці пазнаёміліся з літаратурай, прадстаўленай на кніжнай выставе, якая была падрыхтавана да мерапрыемства ў Горкаўскай сельскай бібліятэцы “Конституция – основа правовой системы Республики Беларусь“.

У Палажэвіцкай сельскай бібліятэцы прайшоў турнір “Знаўцы роднай мовы”. Бібліятэкар падрыхтавала для ўдзельнікаў розныя выпрабаванні. У праграме былі як традыцыйныя віктарыны на веданне правілаў арфаграфіі, так і нечаканыя творчыя конкурсы. Асабістую цікавасць выклікаў конкурс “Жывая мова”, дзе трэба было прачытаць урыўкі класікаў: Я. Купалы, М. Танка, Н. Гілевіча, П. Броўкі.